CARDENAL CISNEROS OURENSE

Archive for the ‘General’ Category

Alumnos de Cisneros han participado en la III EXPO AFINET JUVENIL 2021, una exposición filatélica virtual que ha congregado a coleccionistas de diferentes puntos de España. Todos los participantes, individuales y grupos, han recibido un diploma de participación. También había una votación popular para seleccionar las tres colecciones que más gustaban y dos de ellos han sido del colegio:

La segunda que más ha gustado ha sido la de Tiago Feijoo Jueguen, titulada “Quiero ser bombero” y el tercer lugar ha correspondido a la colección “Matemáticas divertidas” realizada en el Taller de filatelia del centro.

¡Enhorabuena chicas y chicos!

Tiago recibe el galardón de manos del Obispo de Ourense
ante la atenta mirada delos Presidentes de FEGASOFI y de la Miño

Alumnos de los Talleres con sus Diplomas

El profesor Juan recoge el premio de la colección “Matemáticas Divertidas”

Cisneros conmemorou o Día Internacional da Eliminación da Violencia contra a Muller reunindo ao alumnado: comezaron Andy e Joni alumnos de 4º ESO explicando o significado do día; Seyna leu un fermoso poema de creación propia; alumnos de primaria escribiron mensaxes e xunto cos de infantil estamparon as súas mans nuha árbore e interpretaron con linguaxe de signos a canción de Guadi Galego, “Chea de vida”

O Día Internacional da Eliminación da Violencia contra a Muller conmemórase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación. A convocatoria foi iniciada polo movemento feminista latinoamericano en 1981, en conmemoración da data na que foron asasinadas, en 1960, o tres irmás Mirabal (Patria, Minerva e María Teresa), na República Dominicana. En 1999, a xornada de reivindicación foi asumida pola Asemblea Xeral das Nacións Unidas entendendo por violencia contra a muller «todo acto de violencia baseado na pertenza ao sexo feminino que teña ou poida ter como resultado un dano ou sufrimento físico, sexual ou psicolóxico para a muller, así como as ameazas de tales actos, a coacción ou a privación arbitraria da liberdade, tanto se se producen na vida pública como na vida privada», e convidando a gobernos, organizacións internacionais e organizacións non gobernamentais a convocar actividades dirixidas a sensibilizar á opinión pública sobre o problema da violencia contra as mulleres.

O terceiro domingo de novembro celébrase o Día Mundial en Recordo das Vítimas de Accidentes de Tráfico, unha efeméride proclamada oficialmente pola Asemblea Xeral das Nacións Unidas (ONU), co obxectivo de reducir o número de vítimas en accidentes de tráfico. En 2021 céntrase na reducción da velocidade.

No Colexio Cardenal Cisneros quixeron lembrar o día concienciando sobre as posibles causas de sinistros para que non haxa máis vítimas.

Alumnas e alumnos de primaria puxeron as súas voces que acompañaron con imaxes de selos postais alusivos.

#0vítimas #CeroVíctimas

O Día Universal do Neno, que se celebra todos os anos o 20 de novembro, é un día dedicado a todos os nenos e nenas do mundo. O obxectivo é lembrar á cidadanía que os nenos son o colectivo máis vulnerable e, por tanto, o que máis sofre as crises e os problemas do mundo.

É un día de celebración polos avances conseguidos, pero sobre todo é un día para chamar a atención sobre a situación dos nenos máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

Nacións Unidas celebra o Día Universal do Neno o 20 de novembro, data na que a Asemblea Xeral da ONU aprobou a Declaración dos Dereitos do Neno en 1959 . Esta declaración, que non tiña legalmente carácter vinculante, non era suficiente para protexer os dereitos da infancia. Tras dez anos de negociacións con gobernos de todo o mundo, líderes relixiosos, ONG, e outras institucións, logrouse acordar o texto final da Convención sobre os Dereitos do Neno, o 20 de novembro de 1989, cuxo cumprimento é obrigatorio para todos os países que a asinaron.
Este día mundial lembra que todos os nenos teñen dereito á saúde, a educación e a protección, independentemente do lugar do mundo no que nacesen.

E iso é o que quixeron lembrar alumnas e alumnos de Cisneros.

Un bo número de alumnado e profesorado de Cisneros achegáronse ao centro para compartir unha xornada diferente ao redor do lume.

Non faltaron a fogueira, as castañas, os bolos preñados e por riba de todo, moitas risas.

Unha forma diferente de compartir momentos especiais coas alumnas e os alumnos que quedarán para a posteridade.

Na xornada do Samaín 2021, alumnado e profesorado puxeron as súas mellores galas e encheron Cisneros de disfraces terroríficos moi acaídos ao día. Houbo desfile, actuacións e moitos enredos!!!

Botade unha ollada ás imaxes!!

Haberá máis!!!

Estade atentos!!!

Xornal Escolar – La Región, 6 de outubro de 2021

Xornal Escolar – La Región, 6 de outubro de 2021

Un grupo de alumnas e alumnos de Educación Infantil de Cisneros recrearon unha xornada de vendima incluida no proxecto de posta en valor dos oficios tradicionais da provincia; achegouse ao centro un anaquiño de esta actividade que, sendo común no rural, para a maioría dos rapaces da cidade e os chegados do estranxeiro convértese nunha novidade.

Unha videira “deu froito” con acios que os nenos e as nenas vendimaron; algúns xa foron catando os froitos mentres outros compañeiros recreaban a tarefa da pisa da uva para a obtención do mosto. E as vendimadoras e vendimadores probaron o resultado do seu traballo compartindo unha merendiña.

Un video coas imaxes e algunha sorpresiña máis…

Un grupo de alumnos da ESO do Colexio Cardenal Cisneros acudiu ao Auditorio, o 29 de setembro de 2021, para visionar o filme “La sala de cristal”, unha película dirixida por Christian Lerch con Xari Wimbauer, Lisa Wagner, Hans Löw, Luis Vorbach … Participou en prestixiosos certames cinematográficos como o CineKid Festival Amsterdam 2020, o Luxembourg City Film Festival e o SCHLINGEL International Film Festival 2020.

Estaba incluido dentro do Festival Internacional de Cine de Ourense; OUFF é o certame internacional máis antigo de carácter competitivo que se realiza en Galicia, cun selo diferencial que transfire as fronteiras do país. A súa difusión está a gañar importancia, para consolidarse como un punto de encontro para afeccionados e profesionais no ámbito cinematográfico, principalmente en España, Galicia e o norte de Portugal, o que supón que se converteu nun gran foco de interese como evento para todas aquelas persoas relacionadas co audiovisual.

O alumnado entrou á sala a través da “Alfombra azul” coma os artistas asistentes. Unha experiencia diferente.


O noso cole

Follow CARDENAL CISNEROS OURENSE on WordPress.com

Contador

  • 212.439 visitas